Rakel-saeta-2-nota.jpg

Hormónajógakennari og Qigong leiðari

Veturinn 2020-2021 kennir Rakel hormónajóga í Ljósheimum, Borgartúni 3 og í Tveir heimar, Suðurhlíð 35 og leiðir Qigong æfingar fyrir konur í Tveir heimar.

Rakel er með réttindi frá höfundi hormónajóga, Dinah Rodrigues í Brasilíu, til að kenna hormónajóga og er eini kennarinn á Íslandi sem hefur öðlast þessi réttindi. Enn fremur er hún með jógakennararéttindi frá Open Sky Yoga (á grunni Iyengar).

Rakel hefur iðkað Qigong í heilsumiðstöðinni Tveir heimar hjá Þórdísi Filipsdóttur, Qigong kennara og þerapista. Hún hefur einnig lagt stund á Gunnarsæfingarnar hjá Þorvaldi Inga Jónssyni og lokið grunnþjálfun fyrir leiðara í æfingunum. Auk þess hefur hún tileinkað sér æfingar úr Radiant Lotus Qigong for women æfingaröð Daisy Lee, Qigong kennara, sem búsett er í Puerto Rico.

Rakel er framkvæmdastjóri bókaútgáfunnar Yoga Natura ehf. en bók Dinah Rodrigues um hormónajóga fyrir konur, Hormónajóga - leið til að endurvekja hormónabúskap þinn, í þýðingu Rakelarkom út á vegum útgáfunnar í maí 2019. Rakel vinnur nú að þýðingu á bókum Dinah Rodrigues um streitulosandi hormónajóga fyrir karla og hormónajóga fyrir sykursjúka. 

 

Námskeið og tímar

Eitthvað fyrir alla, konur og karla

Veturinn 2020-2021 fer kennslan fram á tveimur stöðum: Ljósheimar, Borgartúni 3 og Tveir heimar, Suðurhlíð 35.

Í vetur verða helgarnámskeið í hormónajóga fyrir konur í Reykjavík, á Akureyri, Höfn í Hornafirði og á Siglufirði.


Fimm vikna byrjendanámskeiðin fyrir konur í hormónajóga verða í Ljósheimum á þriðjudögum 16:30  (fyrst 8. september) og í Tveimur heimum á fimmtudögum 18:45 ( fyrst 17. september).

Á mánudögum bjóðum við karlana velkomna 18:30 í Ljósheimum þar sem við gerum hormónajógaæfingar, bætum við nýjum æfingum, kynnum inn og tengjum við magnaðar Qigong æfingar og gerum góða slökun í lokin. Hentar bæði byrjendum og sem endurmenntun fyrir þær sem hafa verið á námskeiði.

Á miðvikudögum 19:45 er sambærilegur tími í Tveir heimar.


Fimmtudagsmorguntímarnir verða ekki í boði í vetur. 

Rúsínan í pylsuendanum eru svo Qigong tímar fyrir konur í Tveir heimar á fimmtudögum en námskeiðið er hluti af dagská Tveggja heima í vetur. www.2heimar.is

Í vetur verða líka í boði einkatímar og paratímar í hormónajóga. Henta vel fyrir sykursjúka og pör sem eru að reyna að eignast barn.

 
_DSC6469-1500px-bg-1_edited.jpg

5 vikna byrjendanámskeið fyrir konur

Hvar: Ljósheimum, Borgartúni 3 og Tveim heimum, Suðurhlíð 35

Í Ljósheimum á þriðjudögum 16:30 - 18:00
Námskeiðin:
8. september - 6. október 2020 

13. október - 10. nóvember 2020 

17. nóvember - 15. desember 2020

Í Tveim heimum á fimmtudögum 18:45 - 20:15

Námskeiðin:

17. september - 15. október 

22. október - 19. nóvember

26. nóvember - 17. desember (verð 14.400)

Verð 5 vikur 18.000

Skráning á yoganatura@simnet.is.

Helgarnámskeið fyrir konur

Hvar: Í Ljósheimum, Borgartúni 3

Hvenær: 22. og 23. ágúst 2020


Hvar: Ómur Yoga & Gong Akureyri

Hvenær: 29. og 30. ágúst 2020

Hvar: Sindrabæ, Höfn í Hornafirði

Hvenær: 11. og 12. september 2020

Verð 25.500

Skráning á yoganatura@simnet.is.

_DSC4261-1024px.jpg
_DSC2115_Master1024px.jpg

Hormónajóga og Qigong í vetur

Hvar: Ljósheimum, Borgartúni 3 og í Tveimur heimum, Suðurhlíð 35

Hvenær: Í Ljósheimum á mánudögum 18:30 - 19:30, hefst 7. september og lýkur 21. desember 2020.

í Tveimur heimum á miðvikudögum 19:45 - 20:45, hefst 9. september og lýkur 16. desember 2020.

Lokað námskeið fyrir konur og karla. Hentar jafnt byrjendum sem lengra komnum.

Hér er farið í bæði grunn- og framhaldsæfingar í hormónajóga og gerðar nærandi og orkugefandi Qigongæfingar, streitulosandi æfingar og góð slökun í lokin

Hefst 7. september 2020 og lýkur 21. desember 2020

Verð 35.000

Skráning á yoganatura@simnet.is

Qigong fyrir konur

Hvar: Tveir heimar, Suðurhlíð 35

Hvenær: Fimmtudagar 17:30 - 18:30. Hefst 3. september 2020.

Um er að ræða kraftmiklar en ljúfar og tignarlegar æfingar fyrir konur sem vilja styrkja sig líkamlega, andlega og tilfinningalega og taka virkari ábyrgð á eigin heilsu og líðan. Æfingarnar draga úr streitu, næra líkama og sál og

geta brotið upp gömul munstur.

Skráning á 2heimar@2heimar.is eða í síma 822-2990

_DSC6408-1024px.jpg

Allar nánari upplýsingar veitir:
Rakel Fleckenstein Björnsdóttir, hormónajógakennari og Qigong leiðari í síma 861-2706
Stéttarfélög veita styrki vegna námskeiðanna

 

Íslenskar konur eru að ná frábærum árangri með reglulegri ástundun hormónajóga

Hér getur þú lesið nokkrar umsagnir en þær er einnig að finna undir Blogg og greinar.

 

Ég vel hormónajóga Sigurborg Kr. Hannesdóttir

Ég er 59 ára og að mestu búin að fara í gegnum breytingaskeiðið. Í febrúar 2019 þurfti að fjarlægja leg og eggjastokka og í framhaldi af því var ég mjög orkulaus og var alveg að örmagnast. Ég gerði hormónajógasyrpuna í um tvo mánuði á morgnana, flesta daga og fann algjöran viðsnúning. Ekki bara þann daginn sem ég geri syrpuna, heldur átti ég stigvaxandi orku og varð glaðari með lífið. Er glöð og þakklát fyrir að geta frekar notað jóga en hormónalyf.

Vanvirkur skjaldkirtill - Anna Gilsdóttir

"Ég kynntist hormónajóga hjá Rakel fyrir rúmum tveimur árum, nánar tiltekið í maí 2018. Rakel var þá nýkomin frá Þýskalandi eftir að hafa numið þessi fræði hjá höfundinum sjálfum Dinah Rodrigues frá Brasilíu. Hugmyndafræðin vakti strax áhuga minn þar sem ég er jógakennari sjálf og ekki síður vegna þess að ég starfa í heilbrigðisgeiranum. Ég fékk innsýn í æfingarnar og tæknina hjá Rakel og studdist síðan við bókina um Hormónajóga og var fljót að tileinka mér æfingarnar.
Áður en ég byrjaði að gera æfingarnar var ég að taka lyf vegna vanvirkni í skjaldkirtli. Ég sá fljótlega að regluleg ástundun þessara æfinga gæti mögulega gert mér kleift að hætta á lyfjunum. Sem ég og gerði í maí 2019 í samráði við eiginmann minn sem er læknir. Nú rúmu ári síðar eru mælingarnar betri en við þorðum að vona og líðanin mjög góð. Við hjónin erum alsæl með þennan framgang og fylgjumst vandlega með framvindunni. Ég veit að þetta á ég hormónajóganu að þakka og veit að það er komið til að vera hjá mér og er orðið hluti af mínum lífsstíl. Takk Dinah Rodrigues fyrir að gefa okkur þessar frábæru æfingar.

NN

Ég setti mér það markmið að læra æfingarnar í covid með því að kaupa aðgang að vefnum hennar Dinah https://www.dinahrodrigues.com.br/ og hafði bókina þína til stuðnings. Þetta tók smá tíma en svo allt í einu síaðist rútínan inn og nú geri ég æfingarnar næstum daglega og kann prógrammið utan að. Æfingarnar gefa mér orku og það er alltaf notalegt að kyrra hugann á jógadýnunni. Best finnst mér að gera þær úti á palli eða í náttúrunni þegar sólin skín. Ég er þér þakklát fyrir að hafa kynnt mig fyrir þessu jógaprógrammi og hver veit nema það haldi manni hressum fram yfir nírætt eins og Dinah sem er í ótrúlegu formi.

 

Fylgstu með á Facebook og Instagram

 
 

Hafðu samband

 

©2020 by Hormónajóga

This site was designed with the
.com
website builder. Create your website today.
Start Now