_DSC6469-1500px-bg-1.jpg

2021

Námskeið í hormónajóga

Dagskráin í vetur

6. - 23. september 2021

21. dags upprifjunarnámskeið á Zoom fyrir konur sem hafa lokið byrjendanámskeiði eða hafa verið að iðka með aðstoð bókarinnar um hormónajóga.

Hvar: Á Zoom

Hvenær: 6. - 23. september

Kennari: Rakel Fleckenstein Björnsdóttir, jóga- og Qigongkennari

Nánari upplýsingar: Sjá viðburð hér fyrir neðan.

Á þriðjudögum og fimmtudögum 17:30.

Sex vikna byrendanámskeið í hormónajóga fyrir konur,

bæði í sal og á Zoom. 

Nánar auglýst síðar.

Kennslan haustið og veturinn 2021 fer fram í Ljósheimum, Borgartúni 3 og á Zoom.

Hægt er að panta einkatíma og paratímar í hormónajóga fyrir konur, karla og sykursjúka í síma 861-2706 eða á netfangið yoganatura@simnet.is.

 
Hormónajóga -  21 dags upprifjunarnámskeið!
06. sep., 17:30 – 27. sep., 07:00
Á Zoom og þú ert í örygginu heima
 
Rakel á Stokksnesi_edited.jpg

2021

Námskeið í Qigong

Qigongnámskeið fyrir konur þar sem áherslan er á formið "Radiant Lotus Qigong for women" eftir Qigongmeistarann Daisy Lee. 

Nánar auglýst síðar. 

 

Rakel Fleckenstein Björnsdóttir, jóga- og Qigongkennari

Rakel er viðurkenndur hormónajógakennari en hún nam fræðin hjá höfundi hormónajóga, Dinah Rodrigues, í Þýskalandi vorið 2018 og er eini kennarinn á Íslandi sem hefur öðlast þessi réttindi. Hormónajóga er þrennskonar: Fyrir konur, fyrir karla og fyrir sykursjúka.

Rakel er einnig með kennararéttindi til að kenna Hathajóga (á grunni Iyengar) frá Open Sky Yoga í Bandaríkjunum og réttindi til að kenna Yin Yoga frá Yoga Academy International í Kanada.

Rakel hefur kennt Qigong í heilsumiðstöðinni Tveimur heimum í eitt ár. Hún hefur iðkað Qigong með Þórdísi Filipsdóttur, Qigongkennara og þerapista og Filip Woolford, Tai chi og Qigongkennara en sérhæft sig í Qigong fyrir konur. Um er að ræða sérstakt æfingaform sem kallast Radiant Lotus Qigong for women og kennt er við Daisy Lee, mikilsvirtan kínversk-kanadískan Qigongmeistara. Rakel hefur einnig lagt stund á Gunnarsæfingarnar hjá Þorvaldi Inga Jónssyni og lokið grunnþjálfun fyrir leiðara í æfingunum. 

Rakel er framkvæmdastjóri bókaútgáfunnar Yoga Natura ehf. en bók Dinah Rodrigues um hormónajóga fyrir konur, Hormónajóga - leið til að endurvekja hormónabúskap þinn, í þýðingu Rakelar, kom út á vegum útgáfunnar í maí 2019. Rakel vinnur nú að þýðingu á bókum Dinah Rodrigues um streitulosandi hormónajóga fyrir karla og hormónajóga fyrir sykursjúka. 

 

Íslenskar konur eru að ná frábærum árangri með reglulegri ástundun hormónajóga

Hér getur þú lesið nokkrar umsagnir en þær er einnig að finna undir Blogg og greinar.

 

Ég vel hormónajóga Sigurborg Kr. Hannesdóttir

Ég er 59 ára og að mestu búin að fara í gegnum breytingaskeiðið. Í febrúar 2019 þurfti að fjarlægja leg og eggjastokka og í framhaldi af því var ég mjög orkulaus og var alveg að örmagnast. Ég gerði hormónajógasyrpuna í um tvo mánuði á morgnana, flesta daga og fann algjöran viðsnúning. Ekki bara þann daginn sem ég geri syrpuna, heldur átti ég stigvaxandi orku og varð glaðari með lífið. Er glöð og þakklát fyrir að geta frekar notað jóga en hormónalyf.

Vanvirkur skjaldkirtill - Anna Gilsdóttir

"Ég kynntist hormónajóga hjá Rakel fyrir rúmum tveimur árum, nánar tiltekið í maí 2018. Rakel var þá nýkomin frá Þýskalandi eftir að hafa numið þessi fræði hjá höfundinum sjálfum Dinah Rodrigues frá Brasilíu. Hugmyndafræðin vakti strax áhuga minn þar sem ég er jógakennari sjálf og ekki síður vegna þess að ég starfa í heilbrigðisgeiranum. Ég fékk innsýn í æfingarnar og tæknina hjá Rakel og studdist síðan við bókina um Hormónajóga og var fljót að tileinka mér æfingarnar.
Áður en ég byrjaði að gera æfingarnar var ég að taka lyf vegna vanvirkni í skjaldkirtli. Ég sá fljótlega að regluleg ástundun þessara æfinga gæti mögulega gert mér kleift að hætta á lyfjunum. Sem ég og gerði í maí 2019 í samráði við eiginmann minn sem er læknir. Nú rúmu ári síðar eru mælingarnar betri en við þorðum að vona og líðanin mjög góð. Við hjónin erum alsæl með þennan framgang og fylgjumst vandlega með framvindunni. Ég veit að þetta á ég hormónajóganu að þakka og veit að það er komið til að vera hjá mér og er orðið hluti af mínum lífsstíl. Takk Dinah Rodrigues fyrir að gefa okkur þessar frábæru æfingar.

NN

Ég setti mér það markmið að læra æfingarnar í covid með því að kaupa aðgang að vefnum hennar Dinah https://www.dinahrodrigues.com.br/ og hafði bókina þína til stuðnings. Þetta tók smá tíma en svo allt í einu síaðist rútínan inn og nú geri ég æfingarnar næstum daglega og kann prógrammið utan að. Æfingarnar gefa mér orku og það er alltaf notalegt að kyrra hugann á jógadýnunni. Best finnst mér að gera þær úti á palli eða í náttúrunni þegar sólin skín. Ég er þér þakklát fyrir að hafa kynnt mig fyrir þessu jógaprógrammi og hver veit nema það haldi manni hressum fram yfir nírætt eins og Dinah sem er í ótrúlegu formi.

 

Fylgstu með á Facebook og Instagram

 
 
Rakel á Stokksnesi.JPG

Hafðu samband

GSM: 861-2706

  • Facebook
  • Instagram

Thanks for submitting!